اپنی پسندیدہ فہرست میں شامل كریں

ممتاز مفتی کسی تعارف کے محتاج نہیں۔وہ ہماری پاکستانی ادب کی تاریخ کا ایک اہم ترین نام ہیں۔وہ نثر نگاری میں اپنے اسلوب اور پیرائے کے آپ ہی موجد ہیں اور آپ ہی خاتم ہیں۔علی پور کا ایلی ان کی پہلی مطبوعہ خود نوشت تھی جو اردو ادب کی تاریخ میں اپنی نوعیت کی پہلی خود نوشت تھی اور ہے۔اس میں مصنف نے انتہائی بے باکی اور صاف گوئی کے ساتھ اپنے ساتھ ہونے والے تمام حالات و واقعات کو قلمبند کیا ہے۔الکھ نگری ان کی خود نوشت کا دوسرا حصہ تھی جس میں ان کا نداز نہایت بے باک اور قلم کی کاٹ تیکھی ہے۔۔وہ معاشرے کی درپردہ برائیوں اور منافقتوں پر بھرپور طنز کرتے ہیں اور شدید حملے کرتے ہیں۔الکھ نگری میں مممتاز مفتی نے پہلی بار مشہور مصنف قدرت اللہ شہاب کے روحانی روابط اور کمالات کا ذکر بھی کیا ہے۔