اپنی پسندیدہ فہرست میں شامل كریں

سعادت حسن منٹو کو اردو افسانے کی روایت میں ایک ”بولڈ“ افسانہ نگار کی حیثیت حاصل ہے۔ ان کے افسانوں میں گہرا سیاسی اور سماجی شعور کار فرما نظر آتا ہے۔ یہی وجہ ہے کہ ان کے افسانوں کا ایک ایسا مجموعہ مرتب کرنا جس میں ان کے جملہ رنگ اپنی بہار کھاتے نظر آئیں جوئے شیر لانے کے مترادف ہے۔
اس عظیم افسانے نگار کی پچاسویں برسی پر پیش کیا جا رہا ہے تو میں اس کا خیر مقدم کرتا ہوں۔ مجھے خوشی ہے کہ جب یہ افسانے مرتب کیے جا رہے تھے تو محمد خالد چودھری صاحب نے مجھے اس کتاب پر ایک نظر ڈالنے کا موقع دیا اور اس کا حاصل زیرِ نظر مقالہ ہے۔ جو تنقید نہیں بلکہ خالصتاً تعارفی اور معلوماتی نوعیت کا ہے۔ مقصد یہ ہے کہ کتاب پڑھتے وقت منٹو کے حالات زندگی قارئین کی نظر میں رہیں۔ مجھے توقع ہے کہ میری اس کاوش کو عنایت کی نظر سے دیکھا جائے گا۔ اور محمد خالد چودھری کی اس ادبی خدمت کو ادبی حلقوں میں سراہا جائے گا۔